काठमाण्डौ । नेपालमा शनिबार एकैदिन १४ जनामा कोरोना संक्रमण पुष्टि भएको छ ।
शनिबार नै नेपालमा कोरोना भाइरसका कारण सुत्केरी महिलाको मृत्यु भएको पुष्टि समेत भइसकेको छ । शनिबार राति मृतक महिलामा कोरोना पुष्टि सँगै नेपालमा थप २ जनामा कोरोना संक्रमण पुष्टि भएको स्वास्थय मन्त्रालयले जनाएको छ ।
स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार सिन्धुपाल्चोकको बाह्रबिसे नगरपालिका-९ राम्चेकी २९ वर्षीय महिलाको कोरोना भाइरस संक्रमण कै कारण मृत्यु भएको पुष्टि भएको हो ।
शनिबार राति नै धनुषा निवासी २० र ६५ बर्षीय पुरुषमा कोरोना संक्रमण पुष्टि भएको स्वास्थय मन्त्रालयले जनाएको छ ।
मन्त्रालयले शनिबार दिउसो महोत्तरीका ५२ वर्षीय पुरुष र काभ्रेका २६ वर्षीय युवकमा कोरोना संक्रमण देखिएको जनाएको थियो ।
यसअघि शनिबार बिहान नै नेपालमा ९ जनामा कोरोना संक्रमण पुष्टि भएको थियो ।
यो सँगै नेपालमा संक्रमितहरूको संख्या २ सय ८१ पुगेको छ। संक्रमित मध्ये ३६ जना निको भएर घर फर्किएका छन् ।
यो पनि पढ्नुहोस् :
नेपालमा कोरोना भाइरसकै कारण सुत्केरी महिलाको मृत्यु भएको पुष्टि
