काठमाण्डौ । नेपालमा थप ९ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले रौतहटको इशनाथका ७ जना , माधव नारायण नगरपालिका की १ महिला तथा बारा करैयामाईका १ पुरुषमा कोरोना भाइरस संक्रमण पुष्टि भएको जनाएका छन् ।
राष्ट्रिय जनस्वास्थ्य प्रयोगशाला काठमाण्डौमा परीक्षणमा सोमबार बिहान २१ देखि ३८ वर्ष उमेर समुहका ति व्यक्तिहरुमा संक्रमण देखिएको हो ।
संक्रमितहरुको स्वास्थ्य अवस्था सामान्य रहेको स्वास्थ्य मन्त्रालयले जनाएको छ।
यो सँगै नेपालमा कोरोना भाइरसबाट संक्रमित हुनेहरुको संख्या ३ सय ४ पुगेको छ । यस अघी आइतबार कोरोना भाइरस संक्रमणका कारण १ जनाको मृत्यु भएको थियो भने अन्य २ जना नयाँ संक्रमित भेटिएका थिए ।
नेपालमा हालसम्म कोरोनाका कारण २ जनाले ज्यान गुमाएका छन् ।
