काठमाण्डौ : नेपालमा थप ५३ जनामा कोरोना संक्रमण पुष्टि भएको छ।
बाँकेमा ४७ जना, विराटनगर, गुल्मी, धादिङका, धनुषा, रौतहट र दाङका एक एक जना गरी ५३ जनामा संक्रमण पुष्टि भएको स्वास्थ्य मन्त्रालयले जनाएको छ ।
बाँकेका ४७ जना हिजोमात्र क्वारेन्टाइनमा मृत्यु भएका युवकको गाउँ नरैनापुर गाउँपालिकाका हुन्। नेपालमा आज एकै दिन अहिलेसम्मकै उच्च संख्यामा ६२ जना संक्रमित थपिएका छन् ।
यससँगै नेपालमा संक्रमितको संख्या ३ सय ५७ पुगेको छ।
यस अघि नेपालमा आज बिहानमात्रै ९ जना संक्रमित थपिएको स्वास्थ्य मन्त्रालयले जनाएको थियो । नेपालमा कोरोना संक्रमणबाट हालसम्म २ जनाको मृत्यु भइसकेको छ।
नेपालमा संक्रमित मध्ये ३६ जना निको भएर घर फर्किसकेका छन्।