पोखरा । पोखरामा ३ बर्षीया बालिका घरको छतबाट खस्दा घाइते भएकी छन् ।
दुई तले पक्कि घरको छतमा खेल्ने क्रममा खसेर पोखरा महानगरपालिका-११ फुलबारी बस्ने देबराज अधिकारीकी ३ बर्षीया छोरी युनिशा अधिकारी घाइते भएको गण्डकी प्रदेश प्रहरी कार्यालय पोखराले जनाएको छ ।
प्रहरीका अनुसार घाइते बालिकाको मणिपाल अस्पताल पोखरामा उपचार भइरहेको छ । बालिकाको दुबै आँखा र टाउकोमा चोट लागेको छ ।
घटनाका विषयमा अनुसन्धान भइरहेको प्रहरीले जनाएको छ ।