पोखरा । पोखराका एक पुरुषमा कोरोना संक्रमण पुष्टि भएको छ । मंगलबार पोखरा महानगरपालिकाका २१ बर्षीय युवकमा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार उनि भारतबाट आएर महानगरको क्वारेन्टिनमा बसेका थिए । उनलाई पोखरा स्वास्थ्य बिज्ञान प्रतिष्ठानको आइसोलेसन कक्षमा ल्याउने तयारी भइरहेको निर्देशनालयले जनाएको छ ।
पछिल्लो २४ घन्टामा गण्डकी प्रदेशको विभिन्न जिल्लामा १८ जनामा संक्रमण पुष्टि भएको छ । यससंगै गण्डकी प्रदेशमा कोरोना संक्रमितको संख्या २२३ पुगेको छ।
