पोखरा । पोखराका थप ४ जनामा कोरोना संक्रमण पुष्टि भएको छ ।
स्वास्थ्य निर्देशनालय गण्डकीका अनुसार बुधबार साझ पोखरा महानगरपालिकाका २०, २३, ३० र ३६ बर्षका पुरूषहरुमा कोरोना पोजेटिभ देखिएको हो ।
बुधबार साझ नै कास्कीका ४ जनासहित गण्डकी प्रदेशमा थप १३ जनामा कोरोना संक्रमण पुष्टि भएको हो । निर्देशनालयका अनुसार अन्य संक्रमितमा गोरखाका १५ र ७७ बर्षका २ पुरुष र स्याङजाको गल्याङ नगरपालिकाका २१, २४,२४, २८, २९, ३१ बर्षका ६ जना पुरुष तथा ४२ बर्षीया एक महिला रहेका छन् ।
यससँगै प्रदेशमा संक्रमितको संख्या ७ सय ४२ पुगेको निर्देशनालयले जनाएको छ ।
आज बिहान मात्र कास्की जिल्लाको पोखरा महानगरका १ पुरुष तथा २ महिला र मादी गाउँपालिकाका १/१ पुरुष तथा महिलासहित गण्डकी प्रदेशका ८ जिल्लाका थप ३२ जनामा कोरोना संक्रमण पुष्टि भएको थियो ।