पोखरा । गण्डकी प्रदेशमा ११ जना नयाँ कोरोना संक्रमित थपिएका छन् ।
प्रदेशका ४ जिल्लाका ९ पुरुष र २ महिलामा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।
बिहीबार बिहान म्याग्दीका २ पालिकाका ५ जना पुरुष र १ महिला, स्याङ्गजाका कालिगण्डकी गाउँपालिकाका १ पुरुष , बागलुङको गल्कोट नगरपालिकाका २ पुरुष र नवलपुर मध्यबिन्दु नगरपालिकाका १ /१ जना महिला पुरुषमा कोरोना संक्रमण पुष्टि भएको हो । यससँगै प्रदेशमा संक्रमितको संख्या ७ सय ५३ पुगेको निर्देशनालयले जनाएको छ ।
निर्देशनालयका अनुसार हाल क्वारेन्टिनमा रहेका उनीहरुलाई सम्बधित जिल्लाको आइसोलेसनमा ल्याउने तयारी भएको छ ।