पोखरा । गण्डकी प्रदेशमा १४ जना नयाँ कोरोना संक्रमित थपिएका छन् ।
प्रदेशका तनहुँ र नवलपुरका ११ पुरुष र ३ महिलामा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।
बिहीबार दिउसो तनहुँका म्याग्दे गाउँपालिका ७ जना पुरुष र २ महिला तथा नवलपुर बिनय त्रिबेणी गाउँपालिका ४ जना पुरुष र १ महिलामा कोरोना संक्रमण पुष्टि भएको हो । यससँगै प्रदेशमा संक्रमितको संख्या ७ सय ६७ पुगेको निर्देशनालयले जनाएको छ ।
निर्देशनालयका अनुसार हाल क्वारेन्टिनमा रहेका उनीहरुलाई सम्बधित जिल्लाको आइसोलेसनमा ल्याउने तयारी भएको छ ।
