पोखरा । गण्डकी प्रदेशमा थप ५३ जना कोरोना संक्रमित थपिएका छन् ।
सोमबार साझ गण्डकी प्रदेशका ५ जिल्लाका थप ५३ जनामा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ।
साझ बागलुङका ९ जना पुरुष तथा ५ महिला, स्याङजाका ८ पुरुष तथा २ महिला, तनहुँका ५ पुरुष तथा ५ महिला ,पर्वतका १३ जना पुरुष र गोरखाका ६ जना पुरुषमा कोरोना संक्रमण पुष्टि भएको निर्देशनालयले जनाएको हो ।
निर्देशनालयका अनुसार उनीहरुलाई सम्बधित जिल्लाको आइसोलेसनमा ल्याउने तयारी भएको छ । यससँगै प्रदेशमा संक्रमितको संख्या ९ सय ४९ पुगेको छ ।
त्यस्तै प्रदेशको नवलपुर जिल्लाका १६ जना निको भएर घर फर्किएको पनि निर्देशनालयले जनाएको छ ।
प्रदेशमा हालसम्म २ सय १४ जना संक्रमण मुक्त भएका छन् । गण्डकीमा कोरोनाबाट हालसम्म २ जनाले ज्यान गुमाएका छन् ।
