पोखरा । पृथ्वी राजमार्ग अन्तर्गत धादिङको मौवाखोलाबाट त्रिशुली नदीमा गाडी खसेको आशंकामा सशस्त्रले खोजी कार्य थालेको छ ।
स्थानीयवासीले सेतो र कालो रङको जीप जस्तो गाडी खसेको भनेर जानकारी दिए पछि सशस्त्र प्रहरी बल र नेपाल विपद् व्यवस्थापन तालिम शिक्षालय कुरिनटारका गोताखोरसहितको टोली खोजीकार्य शुरु गरेको हो ।
गाडी सबेरै ६ बजे आसपास खसेको बताइए पनि हालसम्म केही विवरण खुल्न सकेको छैन । गाडी चितवनबाट पुर्व जाँदै गरेको हुनसक्ने अनुमान गरिएको छ ।
घटनाको बारे अन्य स्थानीय तथा ट्राफिक पोष्टहरुमा जानकारी लिने प्रयास भइरहेको जनाइएको छ ।