पोखरा । पोखरामा दुई मोटरसाइकल एकापसमा जुध्दा आगलागी भएको छ ।
नयाँ बजार स्थित ट्याक्सी व्यवासायी समितको कार्यालय नजिकै दुई वटा मोटरसाइकल एकापसमा जुध्नासाथ आगलागी भएको हो । आगलागीबाट दुवै मोटरसाइकल जलेर ध्वस्त भएका छन् ।
महेन्द्रपुलबाट पृथ्वीचोक तर्फ आउदै गरेका दुई मोटरसाइकल एकापसमा जुधेर आगलागी भएको प्रत्यक्षदर्शी रविन पौडेलले बताए ।
प्रत्यक्षदर्शीका अनुसार दुबै मोटरसाइकलमा सवार ४ जना भने दुर्घटना लगत्तै उठेर नजिकैको पेट्रोल पम्प तर्फ दौडिएका थिए ।
दुर्घटनामा ग१४प ३८६१ र ग१६प ४४४१ नम्बरका मोटरसाइकल चालकसहित २/२ जना गरी ४ जना सामान्य घाइते भएको जिल्ला प्रहरी कार्यालय कास्कीका प्रहरी प्रवक्ता सुवास हमालले जानकारी दिए ।
उनीहरुको स्थानीय गण्डकी मेडिकल कलेजमा उपचार भइरहेको उनले जनाए ।