पोखरा । गण्डकी प्रदेशमा १३ जना कोरोना संक्रमित थपिएका छन् ।
स्वास्थ्य निर्देशनालय गण्डकीले जनाए अनुसार शुक्रबार बिहान गण्डकी प्रदेशका ५ जिल्लाका थप १३ जनामा कोरोना संक्रमण पुष्टि भएको हो ।
शुक्रबार कोरोना पुष्टि हुनेमा तनहुँका ३ पालिकाका ८ जना पुरुष , गोरखाका १ पुरुष, नवलपुरका २ पुरुष, बाग्लुङ र गोरखाका १ -१ पुरुष रहेको निर्देशनालयले जनाएको छ ।
संक्रमितहरुलाई सम्बन्धित जिल्लाको आइसोलेसनमा लैजाने तयारी भैरहेको निर्देशनालयले जनाएको छ ।
यस सँगै गण्डकीमा कोरोना संक्रमितको संख्या १ हजार १ सय ६२ पुगेको छ । त्यस्तै प्रदेशमा कोरोना संक्रमण मुक्त हुनेको संख्या ६ सय ३३ पुगेको पनि निर्देशनालयले जनाएको छ ।
