लमजुङमा एकैदिन थपिए २२ कोरोना संक्रमित

पोखरा । गण्डकी प्रदेश अन्तर्गत लमजुङमा शुक्रबार मात्रै २२ कोरोना संक्रमित थपिएका छन् ।

स्वास्थ्य निर्देशनालय गण्डकीले जनाए अनुसार शुक्रबार लमजुङमा थप २५  जनामा संक्रमण पुष्टि भएको हो । शुक्रबार कोरोना पुष्टि हुनेमा जिल्लाका २० पुरुष र २ महिला रहेको निर्देशनालयले जानकारी दिएको छ ।

संक्रमितलाई सम्बन्धित जिल्लाको आइसोलेसनमा लैजाने तयारी भैरहेको निर्देशनालयले जनाएको छ ।

यस सँगै गण्डकीमा कोरोना संक्रमितको संख्या १ हजार २ सय ७८ पुगेको छ । यस अघि आजै नवलपरासीमा १८ जना तथा तनहुँमा ७ जना कोरोना पुष्टि भएको थियो ।