गण्डकी प्रदेशमा ३ कोरोना संक्रमित थपिए

पोखरा । गण्डकी प्रदेशमा आइतबार थप ३ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले आइतबार साँझ नवलपरासीका ३ जनामा संक्रमण पुष्टि भएको जनाएको छ ।

कोरोना पुष्टि हुनेमा नवलपरासी देवचुली नगरपालिकाका २४ देखि ४० वर्ष उमेर समुहका २ पुरुष र १ महिला रहेको निर्देशनालयले जानकारी दिएको छ ।

संक्रमितलाई जिल्लाको आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकीमा कोरोना संक्रमितको संख्या १ हजार ३ सय ५ पुगेको छ ।

यसैगरी गण्डकी प्रदेशमा कोरोनको संक्रमणबाट निको हुनेको संख्या १००४ पुगेको पनि निर्देशनालयले जानकारी दिएको छ ।