गण्डकी प्रदेशमा थप १६ जनामा कोरोना संक्रमण पुष्टि

पोखरा । गण्डकी प्रदेशमा मंगलबार थप १६ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले मंगलबार दिउँसो प्रदेशका ३ जिल्लामा थप १६ जनामा कोरोना संक्रमण पुष्टि भएको जनाएको हो ।

कोरोना पुष्टि हुनेमा स्याङ्जाका ७, लमजुङका ६ र बागलुङका ३ पुरुष रहेको निर्देशनालयले जानकारी दिएको छ।

संक्रमितलाई सम्बन्धित जिल्लाको आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकीमा कोरोना संक्रमितको संख्या १ हजार ३ सय ४५ पुगेको छ ।

गण्डकी प्रदेशमा कोरोनाको संक्रमणबाट निको हुनेको संख्या भने १०२० रहेको छ ।