कोहलपुर। जिल्ला प्रहरी कार्यालय बाँकेले ठूलो परिमाणमा राजश्व छलेर नेपाल भित्र्याइएका कपडा बरामद गरेको छ । नेपालगञ्ज उपमहानगरपालिका–ं १५ जमुनाहाबाट प्रहरीले ठूलो मात्रामा कुर्ता, टिसर्ट, सुरुवाल बरामद गरेको हो ।
भारतबाट अवैध रुपमा ल्याउँदै गरेका ५ सय थान कुर्ता, सय थान टिसर्ट र २ सय थान सुरुवाल बरामद गरेको प्रहरी प्रवक्ता सुवास खड्काले बताए ।
कोरोनाको कहर भए पनि चाडवाड नजिकिदै गर्दा तस्कर कपडा भित्राउन लागिपरेका छन् । नेपालगञ्ज नाकाबाट भरियामार्फत भित्रिने कपडा जिल्लाबाहिर पनि लैजाने गरिएको छ । रासस
