पोखरा । गण्डकी प्रदेशमा मंगलबार बेलुका थप ८ जनामा कोरोना भाइरस संक्रमण पुष्टि भएको छ ।
स्वास्थ्य निर्देशनालय गण्डकीले मंगलबार बेलुका स्याङ्जा जिल्लाको पुतलीबजार नगरपालिकाका ६ पुरुष र २ महिला तमा कोरोना भाइरस देखिएको जनाएको हो ।
संक्रमितलाई सम्बन्धित जिल्लाको आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकी प्रदेशमा कोरोना संक्रमितको संख्या १ हजार ५ सय ४३ पुगेको छ ।
गण्डकी प्रदेशमा हालसम्म संक्रमित मध्ये १ हजार ३ सय ५२ जना निको भएर घर फर्किएका छन् ।