पोखरा । नवलपरासीका २ पुरुषमा कोरोना संक्रमण पुष्टि भएको छ ।
स्वास्थ्य निर्देशनालय गण्डकीले आइतबार नवलपरासीको विनयत्रिवेणी गाउँपालिका-१ का थप दुई पुरुष संक्रमित फेला परेको जनाएको हो । संक्रमण पुष्टि हुनेमा ३७ र ४२ वर्षका दुई पुरुष रहेको जनाइएको छ ।
संक्रमितलाई आइसोलेसनमा लैजाने तयारी भइरहेको पनि निर्देशनालयले जानकारी दिएको छ । यस सँगै प्रदेशमा कोरोना संक्रमितको संख्या १ हजार ७ सय २१ पुगेको छ ।
त्यस्तै गण्डकी प्रदेशमा कोरोना संक्रमण मुक्त हुनेको संख्या १ हजार ५ सय २७ पुगेको छ ।
