पोखरा न्यूज। गण्डकी प्रदेशमा बिहीबार बिहान थप २५ जनामा कोरोना सक्रमण पुष्टि भएको छ ।
गण्डकी प्रदेश स्वास्थ्य निर्देशनालयले बिहीबार बिहान गण्डकी प्रदेशका ५ वटा जिल्लाका थप २५ जनामा कोरोना सक्रमण पुष्टि भएको जनाएको हो ।
निर्देशनालयका अनुसार दिउसो बागलुङको बागलुङ नगरपालिकाका ५ वटा वडाका १ वर्षीया बालिकासहित ३ महिला तथा ५ पुरुष , -पर्वत जलजला – ४ का ३६ वर्षीय पुरुष लमजुङ बेंसीसहरका ३ पुरुष तथा १ महिला , तनहुँ का ८ पुरुष र १ महिला र नवलपुरका ५ जनामा कोरोना देखिएको हो । कोरोना पुष्टि भए सँगै उनीहरुलाई आइसोलेसनमा लैजाने तयारी भएको निर्देशनालयले जनाएको छ ।
यो संगै गण्डकी प्रदेशमा कोरोना संक्रमितको संख्या १ हजार ९ सय ७७ पुगेको छ । प्रदेशमा संक्रमण बाट निको भइ घर फर्किनेको संख्या १ हजार ६ सय ६५ पुगेको छ ।
