पोखरा न्यूज । पोखरामा पनि कोरोना संक्रमितको प्लाजमा थेरापीबाट उपचार शुरु गरिने भएको छ । पोखरा स्वास्थ्य विज्ञान प्रतिष्ठानले बिहीबार एक सूचना जारी गर्दै कोरोना सङक्रमितहरुको प्लाजमा थेरापी विधीवाट उपचार शुरु गर्ने जनाएको हो ।
प्रतिष्ठानका निर्देशक सह प्रा.डा. अर्जुन आचार्यले विश्वव्यापी परीक्षणको रुपमा रहेको प्लाजमा थेरापी प्रविधीको प्रतिष्ठानमा शुरुवात हुन् गइरहेको बताउँदै कोरोनावाट निसङक्रमित भएकाहरुलाई रक्दान गर्न अनुरोध गर्नु भएको छ ।
कोभिड १९ वाट निसङक्रमित भएकाहरुले आफ्नो रिर्पोट नेगेटिभ आएको २ हप्तामा रक्तदान गर्न सक्ने बताउँदै उहाँले सो कार्यमा सहयोग गर्न निसङक्रमितहरुलाई आग्रह गर्नुभएको छ ।
उहाँले रक्तदानले गम्भिर अवस्थाका विरामीहरुलाई बचाउन सहयोग पुग्ने भन्दै रक्तदान गर्न इच्छुकहरुले प्रतिष्ठान भित्रको रक्त सञ्चार केन्द्रमा पुगेर रक्तदान गर्न सक्ने बताउनुभयो ।
गम्भीर प्रकृतिका कोरोना संक्रमितको प्लाज्मा थेरापी विधिबाट उपचार गर्ने गरिन्छ ।
