पोखरा न्यूज । पोखरामा शनिबार थप ३४ जनामा कोरोना पुष्टि भएको छ । स्वास्थ्य निर्देशनालय गण्डकीले शनिबार बिहान र दिउसो गरी कास्कीको पोखरा महानगरका ११ वटा वडाका १७ महिला र १७ पुरुषसहित गण्डकी प्रदेशमा थप ८३ जनामा कोरोना भाइरस देखिएको जनाएको हो ।
निर्देशनालयले पोखरा महानगरको वडा १ का १८ र ३७ वर्षीया महिला, ३ की ३० वर्षीया महिला , ५ की ४५ वर्षीया महिला, ७ का २७ र २८ वर्षका पुरुष, १० का २६, ३७, ३८ र ५८ वर्षीया महिला, १२ का १५ र ३५ वर्षीय पुरुष तथा १०, २७, ३३, ३४, ४६, ४६, र ५१ वर्षीया महिला , १३ का २९ वर्षीय पुरुष, १६ का १६, १८, १८, २१ र ३४ वर्षका पुरुष, १८ का १७ वर्षीय पुरुष, २७ का १५, १६ र एक उमेर नखुलेका पुरुष तथा १४ र ३७ वर्षीया महिला, २८ का ४८ वर्षीय पुरुष र ३७ वर्षीया महिला, एवम् वडा नखुलेका एक २५ वर्षीय पुरुषमा कोरोना देखिएको जनाएको हो ।
त्यसैगरी गोरखा आरुघाट की ३१ वर्षीया महिला, लमजुङ की ३७ वर्षीया महिला , स्याङजा वालिङका १ , ६, ८, र ९ वडाका २९,३०, ३०, ४० र ६५ वर्षीय पुरुष तथा ६५ वर्षीया महिला, नवलपुरका ३१ पुरुष तथा ६ वर्षीया बालिकासहित १२ महिलामा शनिबार कोरोना पुष्टि भएको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको संख्या २ हजार ९ सय ०३ पुगेको छ ।