पोखरा न्यूज । पोखरामा आइतबार बिहान थप ४ जनामा कोरोना पुष्टि भएको छ । स्वास्थ्य निर्देशनालय गण्डकीले पोखराका ४ वटा वडाका ३ महिला र १ पुरुषमा कोरोना भाइरस देखिएको जनाएको हो ।
निर्देशनालयका अनुसार आइतबार बिहान दोस्रो चरणमा पोखरा १ की ५० वर्षीया महिला, पोखरा ५ की ३७ वर्षीया महिला, पोखरा ६ का ४५ वर्षीय पुरुष र पोखरा २७ की २१ वर्षीया महिलामा कोरोना पुष्टि भएको हो । संक्रमित हुनेहरु चारैजना फिवर क्लिनिकमा परीक्षणका लागि आएका व्यक्ति रहेको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको संख्या २ हजार ९ सय ३९ पुगेको छ । यस अघि बिहान पोखरामा अस्पतालका कर्मचारी र उपचाररत २ व्यक्तिसहित गण्डकीमा ३२ संक्रमित थपिएका थिए ।