पोखरा न्यूज । गण्डकी प्रदेशमा सोमबार बिहान थप २० जनामा कोरोना पुष्टि भएको छ । स्वास्थ्य निर्देशनालय गण्डकीले तनहुँका ११ जना र गोरखाका ९ जना गरी प्रदेशका थप २० जनामा कोरोना भाइरस देखिएको जनाएको हो ।
निर्देशनालयका अनुसार तनहुँ ऋषिङ गाउँपालिकाका २, ३, ४, ५, ६ र ८ वडाका १९ देखि ५२ वर्ष उमेर समुहका ११ पुरुष तथा गोरखाको गोरखा १३ का ५२ वर्षीय पुरुष तथा २९ वर्षीया महिला र पालुङटारका १५ वर्षीया बालिका तथा १३ देखि ५५ वर्ष उमेर समुहका ६ पुरुषमा कोरोना पुष्टि भएको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको संख्या ३ हजार ११ पुगेको छ ।
