पोखरा । बैंकिङ कसुर मुद्दामा ५० लाख जरिवाना र ६ दिन कैद सजाय तोकिएका फरार अभियुक्त केशबहादुर गुरुङलाई कास्की प्रहरीले पक्राउ गरेको छ
दण्डहिनता विरुद्धको अभियोग अन्तरगत उच्च अदालत पाटनले वि.स.२०७६ चैत १० गते गुरुङलाई उक्त सजाय तोकेको थियो । कास्की जिल्ला रुपा गाउँपालिका–५ देउराली निवासी अभियुक्त ५८ वर्षीय केशबहादुर गुरुङलाई वडा प्रहरी कार्यालय बैदामले पोखरा–६ बैदामबाट आइतबार पक्राउ गरी सार्वजनिक गरेको हो । पक्राउ परेका गुरुङलाई सोमबार कास्की जिल्ला अदालतमा पेश गरिएको छ ।
