पोखरा न्यूज । पोखरामा बालिकालाई यौन दुर्व्यवहार गरेको अभियोगमा प्रहरीले एक जनालाई पक्राउ गरेको छ ।
दश वर्षीया बालिकालाई यौन दुर्व्यवहार गरेको अभियोगमा पोखरा – ०७ प्रगतिटोल बस्ने ५२ वर्षीय टिका बहादुर दमै पक्राउ परेको कास्की प्रहरीले जनाएको छ ।
बालिकाको घरमा कोही नभएको अवस्थामा करणीको आशय राखी १० बर्षे बालिकालाई यौन दुर्व्यवहार गरेको आरोपमा टिका बहादुर पक्राउ परेको कास्की प्रहरी प्रवक्ता सुबास हमालले जानकारी दिनुभयो ।
प्रतिवादी बिरुद्ध बाल यौन दुर्व्यवहार कसुर अन्तरगत अदालतबाट ८ दिन म्याद थप गरी अनुसन्धान भइरहेको प्रहरीले जनाएको छ ।
