पोखरा न्यूज । स्वास्थ्य निर्देशनालय गण्डकीले बुधबार कास्कीको पोखरा महानगरका २९ जनासहित गण्डकी प्रदेशमा थप ५० जनामा कोरोना भाइरस देखिएको जनाएको छ ।
निर्देशनालयले पोखराको पृथ्वीचोक स्थित पश्चिमान्चल सामुदायिक अस्पतालमा कार्यरत २५ वर्षीया महिला कर्मचारी, पोखरा महानगरपालिका-४ का नेपाल प्रहरीमा कार्यरत २३ देखि ४० वर्ष उमेर समुहका ८ जना पुरुष, भारतबाट आएर क्वारेन्टिनमा बसेका वडा नं १५ का ४० वर्षका २ पुरुषहरु, वडा नं २७ का २८ वर्षीय पुरुष तथा वडा नं ६ का २१ वर्षीय पुरुष र ईलामबाट आई क्वारेन्टिनमा बसेका रुपा-१ का २७ वर्षीय पुरुषमा कोरोना पुष्टि भएको जनाएको हो ।
त्यसैगरी पोखरा १ की २५ वर्षीया महिला, पोखरा ५ का २२ वर्षीय पुरुष , पोखरा ८ का ४१ र ४२ वर्षका पुरुष तथा ४० वर्षीया महिला , पोखरा ९ का ४४ वर्षीय पुरुष, पोखरा १० का ९ वर्षीय बालक तथा १८ वर्षीया महिला , पोखरा ११ का २४ वर्षीय पुरुष तथा १० वर्षीया बालिकासहित १६, २९ र ५७ वर्षीया महिला एवं पोखरा २७ का २३ , ३३ र ३४ वर्षका कन्ट्याक्ट ट्रेसिङमा परेका व्यक्तिहरुमा कोरोना पुष्टि भएको निर्देशनालयले जनाएको छ ।
निर्देशनालयले भारतबाट आएर क्वारेन्टिनमा बसेका तनहुँ घिरिंगका २३ , २६ र २७ वर्षीय पुरुष , तनहुँको व्यासका थप २१ र २८ वर्षीय पुरुष, बाग्लुङ गल्कोट ३ र बाग्लुङ १ का ३७ र ४६ वर्षीय भारतबाट आएर क्वारेन्टिनमा बसेका पुरुष, तथा बाग्लुङ बडीगाड का ६ वर्षीय बालक एवं गोरखाको गोरखा, वारपाक, सहिदलखन र भीमसेन पालिकाका १८ देखि ३८ वर्ष उमेर समुहका १२ पुरुष र एक २१ वर्षीया महिलामा पनि कोरोना पुष्टि भएको जनाएको छ ।
यस सँगै गण्डकी प्रदेशमा कोरोना संक्रमितको संख्या ३ हजार १ सय ६६ पुगेको निर्देशनालयले जनाएको छ ।
