पोखरा न्यूज। स्वास्थ्य निर्देशनालय गण्डकीले सोमबार बागलुङमा थप १४ जनामा कोरोना पुष्टि भएको जानकारी दिएको छ
निर्देशनालयका अनुसार बागलुङ ढोरपाटन १ र ४ का ७ पुरुष तथा ७ महिलामा कोरोना संक्रमण पुष्टि भएको हो । नेपाल बैंक लिमिटेड, हिमाल मेडिकल, भट्टराई ईलेक्ट्रोनिक्स, ढोरपाटन न.पा. कार्यालय, बुर्तिबाङ प्राथामीक स्वास्थ्य केन्द्र , धौलागिरी होटल, साईला होटल र सिटी क्लिनिकमा कार्यरत ढोरपाटन १ का २४, २८, ३०, ३१ र ३३-३३ वर्षका २ गरी ६ जना पुरुष तथा १९, २१, २४, २८, ३१, ४२ र ५८ वर्षका महिलामा मा कोरोना देखिएको निर्देशनालयले जनाएको छ । त्यसैगरी भारतबाट आएर क्वारेन्टिनमा बसेका ढोरपाटन ४ का ३१ वर्षीय पुरुषमा समेत कोरोना देखिएको हो ।
सोमबार दिउसो बागलुङका १४ जना सहित कास्की जिल्लाला ४ जना, तनहुँका १७ जना, स्याङजाका २ जना र गोरखाका १ जना गरी गण्डकी प्रदेशका ३८ जनामा कोरोना भाइरस देखिएको जानकारी दिएको हो ।
यस सँगै गण्डकी प्रदेशमा कोरोना संक्रमितको सँख्या ३ हजार ४ सय ७८ पुगेको छ ।