पोखरा न्यूज। स्वास्थ्य निर्देशनालय गण्डकीले बुधबार पोखराका ८ जना सहित गण्डकी प्रदेशमा थप २५ जनामा कोरोना संक्रमण पुष्टि भएको जनाएको छ ।
निर्देशनालयले कास्कीको पोखरा महानगर १० का ३१ वर्षीय पुरुष तथा ७ वर्षीया बालिका ,पोखरा १५ का ३९ र ६५ वर्षीय पुरुष , पोखरा १७ की २६ वर्षीया महिला, पोखरा २० का २० र ३२ वर्षीय पुरुष, पोखरा २७ की ७४ वर्षीय महिला तथा कास्कीको अन्नपूर्ण गाउँपालिका का ३२ वर्षीय पुरुषमा कोरोना भाइरस देखिएको जानकारी दिएको हो ।
त्यसैगरी नवलपुर बौदिकाली २ का २७ वर्षीय पुरुष , स्याङजा वालिङ ११ का ३९ वर्षीय पुरुष तथा ४ का ४३ वर्षीय पुरुष र गल्याङ २ का ३१ वर्षीय पुरुष, म्याग्दी बेनी ३ का ३० वर्षीय पुरुष, तनहुँ ब्यास २ का ५३ वर्षीय पुरुष तथा भिमाद १ का २६ वर्षीय पुरुष, भिमाद ३ का २६ र ३६ वर्षीय पुरुष, लमजुङ मध्येनेपाल ६ का १० वर्षीया बालिका तथा १६ , ३० र ५८ वर्षका पुरुष र मध्येनेपाल १० की ३५ वर्षीया महिला , बागलुङ बडिगाड १ का २६ वर्षीया महिला तथा बागलुङ १३ का ६२ वर्षीय पुरुषमा कोरोना पुष्टि भएको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको सँख्या ३ हजार ५ सय ४८ पुगेको छ ।