पोखरा न्यूज । पोखरामा मोटरसाइकल दुर्घटना हुँदा एक युवकको मृत्यु भएको छ ।
गएराती १:३० बजे पोखरा महानगरपालिका ६ बुलौदीमा मोटरसाइकल दुर्घटना हुँदा स्याङजा बिरुवा गाउँपालिका ८ घर भई पोखरा १५ नयाँगाउ बस्ने २८ वर्षीय दिलिप गुरुङको मृत्यु भएको प्रहरीले जनाएको छ ।
मोटरसाइकल दुर्घटना हुँदा गम्भीर घाइते भएका गुरुङलाई उपचारको लागि गण्डकी मेडिकल कलेज लगिएकोमा चिकित्सकले २ :३५ मा मृत घोषणा गरेको गण्डकी प्रदेश प्रहरी कार्यालय पोखराले जनाएको छ ।
प्रहरीका अनुसार हल्लनचोकबाट जिरो तर्फ जाँदै गरेको ग १६ प ५०६ नं. को मोटरसाइकल अनियन्त्रीत भई डिभाइडरमा ठक्कर खाँदा दुर्घटना भएको हो ।
