पोखरा न्यूज । जिल्ला प्रहरी कार्यालय कास्कीले ठुलो मात्रामा लागूऔषधसहित एक युवकलाई पक्राउ गरेको छ ।
पोखरा २४ स्थायी घर भई पोखरा २६ बिजयपुर बस्ने २९ वर्षीय प्रभात सुबेदी १ सय ८० एम्पुल लागूऔषधसहित पक्राउ परेको कास्की प्रहरी प्रवक्ता एवं डिएसपी सुबास हमालले जानकारी दिनुभयो ।
सुबेदीलाई डाईजेपाम ६० एम्पुल, फेनार्गन ६० एम्पुल र नुर्फिन ६० एम्पुल गरी १८० एम्पुल लागूऔषध बोकेर हिडिरहेको अवस्थामा गएराति १ :३० बजे बिजयपुरबाट नियन्त्रणमा लिईएको डिएसपी हमालले बताउनुभयो ।
सुबेदीलाई नियन्त्रणमा लिई लागूऔषध नियन्त्रण ऐन,२०३३ विपरितको कसूर अन्तर्गत अनुसन्धान भइहेको प्रहरीले जनाएको छ ।