पोखरा न्यूज । स्वास्थ्य निर्देशनालय गण्डकीले सोमबार बिहान कास्की १० र स्याङजाका १० सहित गण्डकी प्रदेशमा ३० जना कोरोना संक्रमित थपिएको जानकारी दिएको छ ।
संक्रमण पुष्टि हुनेहरुमा कास्कीको पोखरा स्थित फेवासिटी हस्पिटलबाट नमुना संकलन भएका १ पुरुष तथा १ महिला, मेडी प्लस हस्पिटलबाट नमुना संकलन भएका १ पुरुष तथा २ महिला, पोखरामा प्रदेश जनस्वास्थ्य प्रयोगशालामा कार्यरत एक महिला, मादी गाउँपालिकाका वडा नखुलेका २ पुरुष तथा २ महिला रहेका छन् ।
त्यस्तै स्याङजा भिरकोटका ६ पुरुष तथा ४ महिला, लमजुङ सुन्दरबजारका १ पुरुष तथा १ महिला, पर्वत मोदी २ का २ पुरुष, तनहुँको भिमाद ६ का १ पुरुष, आवुखैरेनी ३ का ५ पुरुषमा सोमबार बिहान कोरोना देखिएको हो ।
यस सँगै गण्डकी प्रदेशमा कोरोना संक्रमितको संख्या ५ हजार ८ सय १६ पुगेको छ । गण्डकी प्रदेशमा कोरोना संक्रमण मुक्त हुनेको संख्या ३ हजार ५ सय १६ रहेको छ ।