पोखरा न्यूज । पोखरा महानगरपालिकाका ९ सहित गण्डकीका पाँच जिल्लामा मंगलबार थप २२ जनामा कोरोना संक्रमण देखिएको छ ।
क्षयरोग उपचार केन्द्र पोखरामा मंगलबार गरिएको परीक्षणमा २२ जनामा कोरोना संक्रमण पुष्टि भएको हो । कास्कीका ९, म्याग्दीका ४, स्याङ्जाका २, बागलुङका ५ , तनहुँका २ गरी २२ जनामा कोरोना संक्रमण देखिएको हो ।
स्वास्थ्य निर्देशनालय गण्डकीका अनुसार पोखरा महानगरपालिका वडा नं ३ का १ महिला, वडा नं ९ का १ महिला, वडा नं १० का १ महिला, वडा नं १२ का १ पुरुष, वडा नं १४ का १ महिला, वडा नं १७ का १ महिला, वडा नं २२ का १ पुरुष, वडा नं २६ का १ पुरुष र वडा नं ३३ का १ पुरुषमा कोरोना पुष्टि भएको छ ।
त्यस्तै म्याग्दी धौलागिरि गाउँपालिका ७ का २ महिला, म्याग्दी मंगला २ का १ महिला, बेनी नगरपालिका ९ का १ पुरुष, स्याङ्जा भीरकोट नगरपालिका ४ का १ महिला, १ का १ पुरुष, बागलुङ काठेखोला–३ का १ पुरुष, ८ का १ पुरुष बागलुङ जिल्ला बागलुङ नगरपालिका–२ का १ पुरुष तथा १ महिला, ७ का १ पुरुष, तनहुँको व्यास नगरपालिका १ का १ पुरुष र शुक्ला गण्डकी नगरपालिकाका १ पुरुषमा कोरोना संक्रमण पुष्टि भएको छ ।
यस संगै गण्डकी प्रदेशमा कोरोना संक्रमितको संख्या ६ हजार ७ सय ३४ पुगेको छ ।