पोखरा न्यूज । गण्डकी प्रदेशमा कोरोना संक्रमणबाट थप २ जनाको मृत्यु भएको छ ।
गोरखाको बारपाक सुलिकोट-१ की १९ वर्षीया कोरोना संक्रमित युवतीको मंगलबार दिउसो ३:४५ बजे भरतपुर अस्पताल चितवनको सघन उपचार कक्षमा उपचारका क्रममा निधन भएको गण्डकी स्वास्थ्य निर्देशक विनोद विन्दु शर्माले जानकारी दिनुभयो ।
त्यसैगरी नवलपुर गैंडाकोट – २ का ५४ बर्षीय कोरोना संक्रमित पुरुषको मंगलबार साझँ ५:२६ बजे चितवन मेडिकल कलेजको सघन उपचार कक्षमा उपचारका क्रममा मृत्यु भएको छ ।
यस संगै गण्डकी प्रदेशमा कोरोना संक्रमणबाट मृत्यु हुनेको संख्या ७० पुगेको छ ।