पोखरा न्यूज । गण्डकी प्रदेशमा बुधबार थप ११७ जनामा कोरोना भाइरस संक्रमण पुष्टि भएको छ । स्वास्थ्य निर्देशनालय गण्डकीका अनुसार पोखरा महानगरका ३५ सहित प्रदेशका ९ जिल्लामा थप ११७ जनामा कोरोना भाइरस देखिएको हो ।
कोरोना संक्रमण पुष्टि हुनेहरुमा पोखरा महानगर वडा नं २ का ३ महिला, ३ का १ पुरुष, ५ का १ पुरुष, ७ की १ महिला,१० का १ पुरुष तथा २ महिला, ११ का १ पुरुष तथा २ महिला, १२ का २ पुरुष, १३ की १ महिला, १४ का १ पुरुष तथा १ महिला, १५ का २ पुरुष तथा १ महिला, १६ का २ पुरुष तथा १ महिला, १७ का ३ पुरुष तथा १ महिला, १८ का १ पुरुष, १९ का १ पुरुष तथा १ महिला, २६ की १ महिला, २९ का १ पुरुष तथा १ महिला, ३२ की १ महिला, वडा नखुलेका १ पुरुष रहेका छन् ।
त्यसै गरी तनहुँ घिरिङका ५ पुरुष, व्यासका ५ पुरुष तथा १ महिला, भिमादका ४ पुरुष तथा ५ महिला, म्याग्देका १ पुरुष, आवुखैरेनीका १ पुरुष, शुक्लागण्डकीकी १ महिला, स्याङजा पुतलीबजारका १ पुरुष, गल्याङका १ पुरुष, पर्वत महाशिलाका ३ पुरुष, बागलुङ गल्कोटकी १ महिला, बागलुङ नगरपालिकाका ३ पुरुष तथा २ महिला, तमनखोलाका ३ पुरुष तथा १ महिला, गोरखा जिल्ला गोरखा नगरपालिकाका ११ पुरुष तथा ३ महिला, आरुघाटका २ महिला, भीमसेन थापा गाउँपालिकाका १ पुरुष, लमजुङका १६ पुरुष तथा ९ महिला, मुस्ताङकी १ महिला र नवलपुर गैंडाकोटका १ पुरुषमा कोरोना देखिएको गण्डकी स्वास्थ्य निर्देशक डा. विनोद विन्दु शर्माले जानकारी दिनुभयो । यस संगै गण्डकी प्रदेशमा कोरोना संक्रमितको संख्या १२ हजार २ सय ९७ पुगेको छ ।
पछिल्लो २४ घण्टामा गण्डकी प्रदेशमा कोरोनाबाट थप २ जनाको मृत्यु भएको छ । मंसिर १३ गते कोरोना संक्रमण पुष्टि भइ मणिपाल शिक्षण अस्पतालमा उपचाररत पोखरा महानगरपालिका १४ की ४८ वर्षीया महिलाको बुधबार दिउसो १२:२० बजे उपचार कै क्रममा मृत्यु भएको स्वास्थ्य निर्देशक डा. शर्माले जानकारी दिनुभयो ।
त्यसै गरी मंसिर १२ गते कोरोना संक्रमण पुष्टि भइ मध्येबिन्दु अस्पताल नवलपुरमा उपचाररत नवलपुर कावासोती १४ का ७८ वर्षीय पुरुषको मंगलबार राति ११ :१५ बजे उपचारकै क्रममा मृत्यु भएको निर्देशनालयले जनाएको छ । यस संगै प्रदेशमा कोरोना संक्रमणबाट मृत्यु हुनेको संख्या १६२ पुगेको छ ।
