पोखरा न्यूज । नवलपुरको देवचुलीमा शुक्रबार दिउँसो ट्याक्टरमा मोटरसाइकल ठोक्किदा एक युवा घाइते भएका छन् ।
नवलपुरको देवचुली नगरपालिका–३ स्थित पूर्व पश्चिम राजमार्गमा पश्चिमबाट पूर्वतर्फ आईरहेको लु ३ त ७९१५ नं.को ट्याक्टरको पछाडि भागमा सोही दिशाबाट आइरहेको लु ५५ प ७३२९नं.को मोटरसाइकल ठोक्किदा मोटरसाइकल चालक देवचुली नगरपालिका-३ निवासी १९ वर्षीय सुभष पुन मगर घाइते भएका हुन् ।
घाइते पुनलाई उपचारको लागि भरतपुर अस्पताल पठाइएको गण्डकी प्रदेश प्रहरी कार्यालय पोखराले जनाएको छ । घटनाको बारेमा अनुसन्धान भइरहेको प्रहरीले जनाएको छ ।
दिउँसो
