पोखरा न्यूज । पोखरामा कोरोना संक्रमणका कारण एक पुरुषको निधन भएको छ । कास्कीको पोखरा महानगरपालिका वडा नं ११ का ७१ वर्षीय कोरोना संक्रमित पुरुषको बुधबार निधन भएको गण्डकी प्रदेश स्वास्थ्य निर्देशनालयले जनाएको छ ।
निर्देशनालयका अनुसार उहाँको बुधबार राती पौने ११ बजे पोखरा स्वास्थ्य विज्ञान प्रतिष्ठान पोखरामा उपचारकै क्रममा निधन भएको हो ।
गत माघ २९ गते कोरोना संक्रमण पुष्टि भएका उहाँमा कोभिड न्यूमोनिया, मधुमेह र उच्च रक्तचाप लगायतका समस्या रहेको निर्देशनालयका निर्देशक डा. विनोद विन्दु शर्माले जानकारी दिनुभयो ।
यो सँगै प्रदेशमा कोरोना संक्रमणका कारण निधन हुनेको संख्या २०५ पुगेको छ ।