नेपाली जनसम्पर्क समिति कतारको पाँचौँ अधिवेशन सम्पन्न

तिलु शर्मा पौडेल । दोहा कतार । नेपाली काँग्रेसको प्रवास स्थित निकाय नेपाली जनसम्पर्क समिति कतारको पाँचौँ राष्ट्रिय अधिवेशन सम्पन्न भएको छ ।

अधिवेशनले सभापतिमा मोहम्मद अजिज अलिको नेतृत्वमा २९ सदस्यीय नयाँ कार्यसमिति निर्विरोध निर्वाचित गरेको छ । नेपाली कांग्रेसका उपसभापति बिमलेन्द्र निधिको प्रमुख आतिथ्यतामा सम्पन्न उक्त अधिवेशनका बिशिष्ठ अतिथिहरु कांग्रेस महामन्त्री शशांक कोईराला केन्द्रीय सदस्य अर्जुन नरसिंह केसी केन्द्रीय सदस्य एनपी साउद नेपाली राजदुताबास कतारका द्धितीय सचिव प्रवीन भट्टराई लगाएतका रहेका थिए ।

भर्चुअल मार्फत गरिएको अधिवेशनको उद्घाटन सत्रमा बोल्दै प्रमुख अतिथि निधिले समिति कतारले विश्व व्यापी फैलिएको कोभिड १९को प्रतिकूल अवस्थामा पनि प्रविधि मार्फत अधिवेशन भव्यरुपमा सम्पन्न गरी उदाहरण पेस गरेको भन्दै अन्य समितिहरूले पनि यी विधिबाट यथाशक्य अधिवेशनहरू सम्पन्न गर्न सुझाएका थिए । महामन्त्री कोइरालाले अधिवेशन सफलताको शुभकामना दिएका थिए भने अर्जुन नरसिंह केसी एनपी साउद लगायतका केन्द्रीय नेताहरुले प्रविधि मार्फत गरेको भव्य अधिवेशनले आफूहरू समिति कतारको दोस्रो अधिवेशनमा भौतिक रूपमा उपस्थित भएको स्मरण ताजा गराएको भन्दै खुसी व्यक्त गरेका थिए ।

नेपाली दूतावासका द्धितीय सचिव भट्टराईले वर्तमान कोभिड १९ को अवस्था कतार सरकार र स्वास्थ्य सङ्गठनको निर्देशित कानुनको दायरामा रहेर नेपाली समुदायले आफ्ना गतिविधि गर्नु पर्नेछ भन्दै जनसम्पर्क समितिले त्यही दायरामा रहेर आफ्नो अधिवेशन गर्न सफल भएकोमा खुसी व्यक्त गरेका थिए ।

कार्यक्रममा विश्वभरका जनसम्पर्क समितिका सभापतिहरू दोहाका वैचारिक संस्थाका प्रमुख, एनआरएनए आइसिसी र एनसीसीका प्रतिनिधि, पत्रकार महासङ्घ र सामाजिक संस्थाका प्रमुखहरू कार्यक्रममा जोडिएका थिए । कार्यक्रमको बन्द सत्रबाट सभापति अजिज अलि सहित उपसभापतिहरूमा ठाकुर कुमार परियार, राम कुमार मण्डल र अर्जुन चापागाईँ, महामन्त्रीमा केदार भुसाल र अबु अलि सह महामन्त्री भोजबहादुर साउद र खगेन्द्र खनाल, कोषाध्यक्ष केदार शर्मा, सहकोषाध्यक्षमा महेश्वर मण्डल निर्विरोध निर्वाचित भएका छन् । त्यसै गरी समितिको सदस्यहरूमा शिवराज गौतम,रामेश्वर मण्डल, छविलाल भट्टराई, तिलकराम घिमिरे, अनुप जोरा, वाहिद अलि, दिपजंग शाह, कृष्ण पन्थी, मो. इन्दाज आलम, वसन्तराज पुरी, प्रेम चलाउने, रामु रेग्मी, कलाउद्दीन नदाफ र ईशिलाल पण्डित रहेका छन् । त्यसै गरी प्रदेश नम्बर २ को संयोजकमा शेख हनिफ मिया, बागमती प्रदेश संयोजक डेग बहादुर भारती, गण्डकी प्रदेश संयोजक विकास भुजेल, लुम्बिनी प्रदेश कृष्ण शाह र सुदूरपश्चिम प्रदेश संयोजकमा नरेश जैसी चयनभएका छन् ।

अधिवेशनले नेपाली काँग्रेसको १४ औ महाधिवेशनका लागि ३ महासमिति सदस्य र ४ महाधिवेशन प्रतिनिधिहरू पनि निर्वाचित गरेको छ । सभापति अजिज अलि, संस्थापक सभापति नरेन्द्र भाट र संस्थापक महामन्त्री विमल सुवेदी महासमिति सदस्य रहेका छन् भने महाधिवेशन प्रतिनिधिहरूमा क्रान्ति सिंह, शङ्कर न्यौपाने, प्रवीण गुरुङ र राजु रेग्मी (राज) रहेका छन् िसमितिका कार्यवाहक सभापति शङ्कर न्यौपानेको सभापतित्वमा सम्पन्न राष्ट्रिय अधिवेशनको उद्घाटन सत्र महामन्त्री अजिज अलिले संचालन गरेका थिए । बन्द सत्र नेपाली काँग्रेसको केन्द्रीय जनसम्पर्क समन्वय विभाग प्रमुख गोविन्द भट्टराई र केन्द्रीय प्रतिनिधि भुवानीप्रसाद तिमिल्सिनाको रोहोवरमा सम्पन्न भएको थियो । निर्वाचन समितिका संयोजक धनबहादुर बलायरले प्रमाणपत्र पत्र प्रदान गरि सपथ ग्रहण गराएका थिए ।

सम्बन्धित न्यूज

Leave a Reply

Your email address will not be published. Required fields are marked *

Back to top button