पोखरा न्यूज, वीरेन्द्र सापकोटा । आज मितिः २०७७–चैत्र–२६, बिहीबार, नेपाल सम्वत् ११४१, तदनुसार अप्रिल महिनाको ८, २०२१, चैत्रकृष्णपक्ष, सम्वत्सरः प्रमादी ।
तिथिः द्वादशी घ.प.५७ः१ (२८ः३७), नक्षत्रः शतभिषा, योगः शुक्ल, करणः कौलव, आनन्दादी योगः वज्र
चन्द्रमाः कुम्भ, सूर्यः मीन, अयनः उत्तरायण
सूर्योदयः ५ः४९
सूर्यास्तः १८ः२४
आजको राशिफलः
मेष. तपाईले आँट्नुभएका कार्य सम्पन्न र सफल बनाउन साथिभाइ र आफन्तले पूर्ण सहयोग गर्नेछन् । धार्मिक कार्यमा मन जाँदा नयाँ–नयाँ व्यवसायको अफर समेत आउनेछ । मन प्रसन्न हुनेछ ।
वृष. कष्टपूर्वक दिन व्यतित हुनेछ । आफन्तबाट अकस्मात धोकाको खबर पाउदा मनमा चोट पर्नेछ । खर्च र यात्रामा दुःखको झन्झट अनि खर्चको माध्यम बढेर जाँदा समस्या आउने छ । सावधानी अपनाउनुहोला । दुर्घटनाको समय देखिएको छ ।
मिथुन. मानसम्मान प्राप्त हुने दिन रहेको छ । गरेको काममा सफलता प्राप्ति हुनेछ । नयाँ–नयाँ कार्यको शुभारम्भ हुनेछ । आफन्तले सहयोग गर्दा मन प्रफुल्ल हुनेछ । समग्रमा तपाईका लागि आजको दिनमा सन्तोष प्राप्त हुनेछ ।
कर्कट. आजको दिन सतर्कपूर्वक बिताउनुपर्ने देखिन्छ । नयाँ काममा हात नहालेकै उत्तम हुनेछ । आर्थिक क्षेत्रमा नोक्सानीको सम्भावना भएकाले होसियारी अपनाउनुपर्ने देखिन्छ । मनमा अशान्तिको मात्र बढेर जानेछ । अनावश्यक कुराले मन बिथोलिनेछ ।
सिंह. तपाईको लागि आजको दिन ठिकै रहेको छ । आफन्तको सहयोग मिल्नेछ भने नयाँ–नयाँ मित्रताको सुअवसर आउने छ । आर्थिक कारोबारमा सफलता मिल्नेछ भने मन खुसी रहनेछ । स्वास्थ्यमा सुधार आउँदा अध्ययनमा मन जाने देखिन्छ ।
कन्या. तपाईको आजको दिन त्यति राम्रो मान्न सकिदैन । आफन्तसँग झैझगडाको सम्भावना रहेको हुनाले सतर्कता अपनाउनुपर्ने हुन्छ । नयाँ कामकारबाही नगर्दा नै राम्रो हुनेछ । सबैको अपजसले गर्दा गरेका काम पनि बिग्रने हुदा बोलीमा सजगता अपनाउनुपर्ने देखिन्छ ।
तुला. तपाईका लागि आजको दिनमा रोजगारीको अवसर प्राप्त हुने देखिन्छ । मिष्ठान्न भोजनको सुयोग रहेको छ । व्यापार व्यवसायबाट राम्रो सफलता प्राप्ति हुने देखिन्छ । गरेका कार्यहरु सफलतापूर्वक सम्पन्न हुने देखिन्छ । स्वास्थ्य तपाईको पक्षमा रहेको छ ।
वृश्चिक. तपाईका लागि आजको दिनमा आत्मबल बढेर जानेछ । गरेका कार्यहरु सफलतापूर्वक सम्पन्न हुने देखिन्छ । अध्ययनमा रुचि बढ्नेछ । सामाजिक कार्यमा मन जानेछ भने घरपरिवारबाट राम्रो सहयोगको वातावरण मिल्नेछ ।
धनु. पारिवारिक स्थितिमा सुधार आउँदा तपाईको आजको दिनचर्या सुखमय तवरले बित्ने देखिन्छ । मान–सम्मान प्राप्त हुनेछ । रोजगारीको अवसरहरु सृजना हुनेछ । महत्वपूर्ण कार्यहरु सफलतापूर्वक बन्ने दिन रहेको छ । अध्ययनमा मन जानेछ ।
मकर. तपाईको लागि आजको दिन राम्रो मान्न सकिदैन । खानामा गडबढ हुने भएकाले स्वास्थ्यमा समस्या आउनेछ । समस्या मात्र सृजित हुने भएकाले अलि विवेक र होस पुर्याएर मात्र काम गर्नुपर्ने देखिन्छ । दुर्घटनाको समय भएकाले सावधानी अपनाउनुहोला ।
कुम्भ. उचित प्रतिफल प्राप्त गर्ने हुदा तपाईले गरेको कार्य वा व्यापार व्यवसायले खुसी दिने देखिन्छ । नयाँ–नयाँ कामका अवसरहरु प्राप्त हुनेछन् । भोजन प्राप्तिको योग रहेको छ । मानसम्मानपूर्वक नै तपाइको दिन व्यतित हुने देखिन्छ । जे सोच्नुहुन्छ त्यसलाई सहजताका साथ पूरा गरेर देखाउन सक्नुहुनेछ ।
मीन.नसोचेको क्षेत्रबाट आर्थिक उपलब्धी हुने देखिन्छ । गरेका कार्यबाट जस प्राप्ति हुनेछ । सबैतिरबाट वाहवाहीको प्रशंसा पाइनेछ । अध्ययनमा रुचि बढ्नेछ । नयाँ यात्राको प्रवल सम्भावना रहेको देखिन्छ । समग्रमा तपाईको दिन राम्रो रहेको छ ।
