पोखरा न्यूज । बागलुङमा बुधबार एक युवक मृत अवस्थामा फेला परेका छन् ।
बागलुङको ढोरपाटन नगरपालिका-२ सल्लेपानी सामुदायिक बन नजिकै खोलामा अन्दाजी ३४/३५ वर्षको युवक मृत अवस्थामा फेला परेको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले जानकारी दिनुभयो ।
प्रहरी वरिष्ठ उपरीक्षक पोखरेलका अनुसार जस्ती खोलाको उत्तर तर्फको किनारामा तन्नामा बेरिएको अवस्थामा पहिचान नखुलेका युवक शव फेला परेको हो।
घटनाको बारेमा अनुसन्धान भइरहेको प्रहरीले जनाएको छ ।
