पाेखरा न्यूज । मोटरसाइकल भिरबाट खस्दा एक युवक गम्भीर घाइते भएका छन् ।
आज दिउसो सवा एक बजे मुस्ताङको थासाङ गाँउपालिका वडा न ४ स्थित काभ्रेभिरमा मोटरसाइकल दुर्घटना हुँदा कास्कीको पोखरा महानगरपालिका वडा नं २७ का ३८ वर्षीय शिवहरि पौडेल गम्भीर घाइते भएको प्रहरीले जनाएको छ ।
म्याग्दीको बेनीबाट जोमसोम जाँदै गरेको ग १८प १५७५ नम्बरको मोटरसाइकल भिरबाट अन्दाजी १५० मिटर तल खसेर दुर्घटना भएको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले जानकारी दिनुभयो ।
पोखरेलका अनुसार दुर्घटनामा गम्भीर घाइते भएका पौडेललाई लेते स्वास्थ्य चौकी मुस्ताङ पठाइएको छ । दुर्घटनाको बारेमा थप अनुसन्धान भइरहेको प्रहरीको भनाइ छ ।