पोखरा न्यूज । सिन्धुपाल्चोकको मेलम्ची नदीमा फेरि बाढी आएको छ ।
शुक्रबार अपराह्न केही घटेको बाढी साँझबाट फेरि बढेको इलाका प्रहरी कार्यालय हेलम्बुले जनाएको छ ।
प्रहरीका अनुसार बाढी हेलम्बुबाट बढेर मंगलबारको जस्तै ठूलो आवाजमा आएको छ ।
मेलम्चीको वहाव बढेकाले बजारमा बाँकी रहेका मानिसहरु पनि माथि उक्लेका छन् ।
मंगलबारदेखि निरन्तर आएको मेलम्चीको बाढीले अझै विश्राम लिएको छैन ।