पोखरा न्यूज । तनहुँमा शनिबार भएको ट्रयाक्टर दुर्घटनामा घाइते भएका चालकको उपचारको क्रममा मृत्यु भएको छ ।
बन्दिपुर गाउँपालिका १ स्याउली चिसापानी स्थित डुम्रे बन्दिपुर सडक खण्डमा ग १ त ३११६ नंको ट्याक्टर शनिबार राति साढे १० बजे आफै अनियन्त्रत भई सडकमा पल्टिएर दुर्घटना भएको थियो ।
दुर्घटनामा ट्रयाक्टर चालक बन्दिपुर २ पौवाका २३ वर्षीय सुदिप कपाली र सहचालक ३५ वर्षीय माधब बिक घाइते भएका थिए ।
दुबै घाइतेलाई उपचारको लागि लक्ष्मी अस्पताल डुम्रे लगिएकोमा चालक कपालीको उपचारको क्रममा मृत्यु भएको हाे।
अर्का घाईते बिकको अवस्था सामान्य रहेको प्रहरीको भनाइ छ ।