पोखरा न्यूज । कतार जान लागेका म्याग्दीका २ युवक सोमबार बिहान चरेससहित विमानस्थलमा पक्राउ परेका छन् ।
पक्राउ पर्नेहरुमा पक्राउ पर्नेहरुमा म्याग्दीको मंगला गाउँपालिका ३ का ३६ वर्षीय श्याम प्रसाद रोका र ३५ वर्षीय वीर बहादुर रोका मगर रहेका छन् ।
काठमाडौंको त्रिभुवन अन्तर्राष्ट्रिय विमानस्थलको प्रस्थान कक्षबाट करिब ४ किलो ३५ ग्राम अवैध लागूऔषध चरेससहित उनीहरुलाई सोमबार बिहान प्रहरीले पक्राउ गरेको छ ।
कतार एअरको उडानद्वारा दोहा कतार जान लागेका उनीहरुलाई बिमानस्थलमा खटिएको प्रहरीले जाँच गर्ने क्रममा सुटकेसभित्र उक्त चरेश फेला पारी पक्राउ गरेको हो ।
उनीहरु उपर लागूऔषध चरेस मुद्दामा जिल्ला अदालत काठमाडौंबाट म्याद थप गरी आवश्यक अनुसन्धान भइरहेको लागूऔषध नियन्त्रण व्यूरो कोटेश्वरले जनाएको छ ।