पाेखरा न्यूज । सामान्य घरायसी वादविवाद हुँदा एक ६२ वर्षीय वृद्धले छुरा प्रहार गरेर २१ वर्षीय छिमकी युवककाे सुनसरीमा हत्या गरेका छन् ।
सुनसरीकाे इटहरी उपमहानगरपालिका -३ सुनौलो टोलका ६२ बर्षीय देवी प्रसाद अधिकारीले छिमेकी २१ बर्षीय राजु थापालाई छुरा प्रहार गरि हत्या गरेका छन् ।
हिजो बेलुका साढे ४ बजे सामान्य घरायसी वादविवाद हुँदा अधिकारीले छातीमा छुरा प्रहार गरेपछि गम्भीर घाइते बनाएका थापाको उपचारको लागी घोपा धरानमा पुर्याउन साथ मृत्यु भएको थियो ।
इलाका प्रहरी कार्यालय इटहरीबाट खटिएकाे प्रहरी टाेलीले हत्या अभियाेगमा देवी प्रसाद अधिकारीलाई पक्राउ गरेकाे जनाएकाे छ ।
पक्राउ परेका अधिकारी समेत घाइते भएकाले प्रहरीको निगरानीमा उनकाे उपचार भइरहेको छ । घटनाबारे इलाका प्रहरी कार्यालय इटहरीले थप अनुसन्धान गरिरहेको छ ।
