प्रवासमनोरन्जनसमाचार

‘द भ्वाइस अफ नेपाल’ विजेता किरण एअरपोर्टबाटै अमेरिका ‘डिपोर्ट’

पाेखरा न्यूज । ‘द भ्वाइस अफ नेपाल-३’ का विजेता किरण गजमेरलाई अध्यागमन विभागले त्रिभुवन विमानस्थलबाटै अमेरिका फिर्ता पठाएको छ ।

गजमेर ११ असोजमा कतार एअरको क्युआर ६५० नम्बरको विमानबाट त्रिभुवन विमानलस्थल ओर्लिनु भएकाे थियाे । उहाँलाई सोही दिन ‘डिपोर्ट’ गरिएको हो ।

अमेरिकी नागरिक गजमेरले सन् २०२१ मा नेपाल बस्न पाउने अवधि गुजारी सकेकाले उहाँलाई अमेरिका फिर्ता पठाइएको अध्यागमन विभागले जनाएको छ ।

नेपालको अध्यागमन कानुनअनुसार अमेरिकी नागरिकले एकपटकको प्रवेशमा जम्मा एक सय ८० दिन मात्रै नेपालमा बस्न पाउँछन् । गजमेरले सन् २०२१ मा सो अवधि बिताइसकेकाले उहाँ अब अझै तीन महिना नेपाल प्रवेश गर्न पाउनु हुने छैन ।

भुटानी शरणार्थीका रूपमा झापाको शरणार्थी शिविरमा बस्दै आउनु भएका गजमेरलाई संयुक्त राष्ट्रसंघले तेस्रो मुलुक पुनर्वास कार्यक्रमअन्तर्गत सन् २०११ मा अमेरिका लगेको थियो । परिवारसहित अमेरिका बस्दै आउनु भएका गायक गजमेरले अमेरिकी भिसा प्रयोग गर्दै आइरहनु भएकाे छ ।

guest
0 प्रतिकिया
Inline Feedbacks
View all comments

सम्बन्धित खबर

Back to top button
0
Would love your thoughts, please comment.x
()
x