प्रभु साहले गरे एमाले विधान महाधिवेशन बहिस्कार

पाेखरा न्यूज ।  नेकपा एमाले नेता प्रभु साहले पार्टीको प्रथम विधान महाधिवेशनलाई बहिस्कार गर्नुभएकाे छ । गोदावरीस्थित अन्तर्राष्ट्रिय सम्मेलनमा केन्द्रमा जारी प्रथम विधान महाधिवेशन साहले बहिस्कार गर्नुभएकाे हाे ।

माओवादी परित्याग गरेर एमालेमा रहन भएका साहले आफूहरूको माग सम्बोधन नगरेको भन्दै बहिस्कार गरेको जानकारी दिनु भयाे । ‘हामीहरूको एजेण्डाका विषयमा हिजो पनि वार्ता भयो । तर, सहमति भएन’, उहाँले भन्नुभयाे, महाधिवेशनमा गएको छुइन ।’

पूर्वमाओवादीका अन्य नेतारूले पनि बहिस्कार गर्ने तयारीमा रहेको भए पनि गलत सन्देश जाने भनेर उहाँमात्र नजानु भएकाे हाे । ‘माओवादीबाट आएका साथीहरू नजाने तयारीमा थियौँ’, साहले भन्नुभयाे, ‘तर, गलत सन्देश जाने भएपछि अरु साथीहरू जानुभयो ।’