माइत जान हिँडेकी महिला मृत अवस्थामा फेला

पाेखरा न्यूज । माइत जान हिँडेकी महिला मृत अवस्थामा सल्यानमा  फेला परेकी छन् । सल्यानकाे बागचौर नगरपालिका-२ गैरी निवासी अन्दाजी ५४ वर्षीया रामकली खत्री शनिबार साँझ मृत अवस्थामा फेला परेकी हुन् ।

शनिबार करिब साढे ४ बजे माइती जान्छु भनेर घरबाट निस्किएको र घरदेखि करिब एक किलोमिटरको दूरीमा ठाटीचौरको कच्चीबाटोमा मृत अवस्थामा फेला परेको जिल्ला प्रहरी कार्यालय सल्यानका डिएसपी गोविन्द थापाले जानकारी दिनुभयाे ।

घटना शंकास्पद हुन सक्ने भन्दै अनुसान्धानका लागी कोहलपुरबाट तालिमप्राप्त कुकुर ल्याउन लागेको डिएसपी थापाले बताउनु भयाे । घटनाबारे थप अनुसन्धान भइरहेको प्रहरीले जनाएको छ ।