पोखरा न्यूज । कास्कीको पर्यटकीय गाउँ घान्द्रुकमा सोमबार जिप दुर्घटना हुँदा जीप चालकसहित आठ जनाको घटनास्थलमै मृत्यु भएको छ ।
पोखराबाट घान्द्रुक जाँदै गरेको नौ जना सवाररत ग १ ज ६९०० नम्बरको बोलेरो जिप घान्द्रुकको कलडाँडा भिरको घुम्ती सडकबाट अन्दाजी २०० मिटर तल सडकमा खसेर दुर्घटना भएको प्रहरीले जनाएको छ ।
दुर्घटनामा जिप चालक कास्की अन्नपूर्ण गाउँपालिका -५ नयाँपुलका ४२ को खुसीमान क्षेत्री, काठमाण्डौ ३ गंगवु घर भई पोखरा घुम्न आएका १८ वर्षीय जिनलव घिसिङ, २४ वर्षीया सुजा चौधरी, २० वर्षीया लिजा चौधरी, २० वर्षीय सुमन चौधरी, २२ वर्षीय अछुतम काफ्ले, १८ वर्षीय आशिष आले र गोरखा घर भएका २७ वर्षीय विनय क्षेत्रीको मृत्यु भएको गण्डकी प्रदेश प्रहरी कार्यालय पोखराका प्रहरी नायब उपरीक्षक श्रवण कुमार विकले जानकारी दिनुभयो ।
एक जनाको घाइते अवस्थामा उद्धार गरिएको प्रहरीले जनाएको छ ।
