पोखरा न्यूज । पोखरामा स्कुल बसको ढोकाबाट खसेर एक विद्यार्थीको मृत्यु भएको छ ।
पोखराको हेम्जा स्थित ज्ञानसागर एकेडेमी स्कुलमा युकेजीमा अध्यनरत ८ वर्षीय रोमन तामाङको सोही स्कुलको ना१क २३७३ नं को बसको ढोकाबाट खसेर मृत्यु भएको कास्की प्रहरी प्रवक्ता , डिएसपी सुवास हमालले जानकारी दिनुभयो ।
मंगलबार दिउसो ३ : २५ बजे भएको दुर्घटनामा गम्भीर घाइते भएका तामाङलाई उपचारको लागी पोखराको फिस्टेल हस्पिटल लगिएकोमा चेकजाँचका क्रममा ३ : ५० बजे चिकित्सकले बालकलाई मृत घोषणा गरेको डिएसपी हमालले पोखरा न्यूजलाई बताउनुभयो ।
प्रहरीले बसचालक धादिङ गंगाजमुना -६ घर भइ पोखरा -१ सिमपानी बस्दै आएका ४७ वर्षीय सानोकान्छा थापालाई पक्राउ गरी सवारी ज्यान मुद्दामा जिल्ला अदालतबाट ७ दिनको म्याद थप गरी अनुसन्धान भइरहेको जनाएको छ।
