पाेखरा न्यूज । बागलुङमा जिपकाे ठक्करबाट एक जना बालककाे मृत्यु भएकाे छ भने अन्य ६ जना घाइते भएका छन् ।
शुक्रबार दिउसाे अन्दाजी १२:०० बजे बागलुङ ढोरपाटन -१ स्थित नेपाल बैक चोकमा पार्किङ गरेर राखेको जिप चलाउदा मोटरसाइकल, स्कुटर सहित सात जनालाई ठक्कर दिएको प्रहरीले जनाएको छ ।
प्रहरीका अनुसार ढोरपाटन १ का २७ वर्षीय मन बहादुर मल्लले चलाएको ग २ च ५९८१ न.को जिपले पार्किङ गरी राखिएको लु ३२ प ४८१२, बा ५९ प ९६२०, ध २ प ३९८८ न.को माेटरसाइकल तथा स्कुटरसहित ७ जना मानिसहरूलाई ठक्कर दिँदा साे घटना भएकाे हाे ।
दुर्घटनामा बागलुङकाे तमानखोला गाउँपालिका-२ भैरबुङ बस्ने ८ वर्षीय जोन श्रिपालीको मृत्यु भएको छ । घटनाको बारेमा थप अनुसन्धान भइरहेको प्रहरीले जनाएकाे छ ।
